11 ulam recipes na nagkakahalaga ng P100 – P200

For 100 peso may Pinoy ulam recipe ka na. Hindi ‘yan imposible! Basahin rito ang ilang budget-friendly na putahe na magugustuhan ng buong pamilya.

Ulam recipe for 100 pesos. | Image from Freepik

Isa sa mga bagay na dumadagdag sa mga iniisip nating mga may-bahay ang ang pag-iisip ng uulamin natin sa araw-araw. Sa panahon ngayon, kailangan nating maging wais pagdating sa pamimili ng mga pagkain at pagbudget ng mga sangkap na ating bibilhin. Kaya naman narito ang mga ulam recipe for 100 pesos.

Subalit hindi porket nagtitipid ay ibig sabihing dapat tayong magtiis sa mga pagkaing hindi natin gustong kainin. Dahil bukod sa pasok sa ating budget, dapat ay masustansya at pasado sa panlasa ng ating mga anak ang ulam na ihahain natin sa kanila.

Dahil malakas kayo sa’min, narito ang ilang putahe na puwede niyong subukang lutuin para sa inyong mga anak. Kung titingnan ang mga Pinoy na pinoy na ulam na ito, siksik na siksik sa lasa at sangkap (hindi halatang tinipid!) at higit sa lahat, hindi sosobra ng 100 pesos ang bawat isa sa mga ito!

11 ulam recipe for 100 pesos Ginataang kalabasa at sitaw P115.00

Bukod sa masarap dahil sa gata, masustansya pa dahil ang kalabasa ay mayaman sa Vitamin A, vitamin B6, vitamin C at iba pa!

View this post on Instagram

A post shared by “K”💕💋👜👝 (@karen_gv08) on Nov 11, 2018 at 5:48pm PST

Mga sangkap:

P40 na kalabasa, hiniwa ng pa-kwadrado

P20 na sitaw, pinutol-putol na 2 pulgada ang haba

Php10 mantika

P25 kinayod na niyog, piniga

P10 piraso ng sibuyas

P10 butil ng bawang

Paraan ng pagluluto:

Igisa ang bawang at sibuyas sa mainit na mantika. Kapag luto na ang bawang at sibuyas, sunod na igisa ang kalabasa. Matapos ang ilang minuto sunod na ilagay ang sitaw. Idagdag na ang gata. Saka timplahan ng asin at paminta.

Ginisang monggo na may chicharon P110.00

Bagamat may kahalo itong chicharon na pampasarap at pampalasa, ayos lang dahil ang munggo naman ay siksik sa fiber kaya madali itong i-digest ng katawan, bukod dito, mayroon din itong magnesium at potassium na nakakapagpababa ng blood pressure.

View this post on Instagram

A post shared by Roy Villacrusis (@asiaticchefroy) on Apr 25, 2018 at 11:24pm PDT

Mga sangkap:

P30 na monggo, pinakuluan para lumambot

P30 chicharon

P10 sibuyas

Php10 bawang

P10 kamatis

P20 talbos ng malunggay o ampalaya

Paraan ng pagluluto:

Igisa ang kamatis, sibuyas at bawang sa mainit na mantika. Kapag luto na, sunod na ilagay ang pinakuluang monggo. Sunod na ilagay ang chicharon, timplahan at pakuluin. Saka idagdag ang talbos ng ampalaya o malunggay.

Sardinas at miswa P75.00 View this post on Instagram

A post shared by Joy Salazar Delfinado (@literallyjoyous) on Sep 18, 2017 at 9:41pm PDT

Kaunting kanin na lang ang kailangan sa ulam na ito dahil ang miswa ay puno ng carbohydrates. Dagdagan mo pa ng protein mula sa sardinas, talagang siksik sa sustansya ang pagkaing ito.

Mga sangkap:

P25, isang lata ng sardinas

P10 bawang

P20 miswa

P10 dahon ng sibuyas

P10 piraso ng sibuyas

Paraan ng pagluluto:

Igisa ang sardinas sa bawang at sibuyas. Lagyan ng 2 tasang tubig para magkasabaw. Timplahan ng asin at paminta. Saka ilagay ang miswa para maluto. Idagdag ang hiniwang dahon ng sibuyas kapag ihahain na.

Binagoongang talong na may karne ng baboy P130.00

Ulam recipe for 100 pesos. | Image from Kawaling Pinoy

Sa sarap ng ulam na ito, maniniwala ka bang wala pang 100 pesos ang halaga ng lahat ng mga sangkap nito? Ang magandang balita, kaunting karneng baboy lang ang kailangan sa putaheng ito.

Bukod sa panalong lasa, ang pangunahing sangkap nito na talong ay mayaman sa antioxidants na nakakatulong para makaiwas sa mga sakit gaya ng heart disease at cancer.

Mga sangkap:

P30 talong, hiniwa

P10 bawang

Php10 sibuyas

P10 bagoong alamang

P70 na karne ng baboy

Paraan ng pagluluto:

Igisa ang bawang, sibuyas at kamatis. Saka sunod na ilagay ang karne ng baboy upang maluto. Mas mabuting hayaan itong mamula-mula bago ilagay ang bagoong alamang. Lagyan ng kaunting suka para mabalanse ang lasa ng bagoong.

Saka ito lagyan ng dalawang tasa ng tubig para maluto at mapalambot pa ang karne ng baboy. Kapag luto na ang baboy, sunod na ilagay ang hiniwang talong. Timplahan gamit ang kaunting asukal at paminta. Maari ring lagyan ng sili para may konting anghang.

Sweet and spicy tofu P130.00

Para kang kumain sa paborito mong Pinoy restaurant kapag sinundan mo ang recipe na ito. Ginagawa nitong malasa ang tofu o tokwa na isang nutrient-densed food. Subukan itong ipakain sa mga bagets kung gusto mo silang lumakas at tumangkad.

Image from It Doesn’t Taste Like Chicken

Mga sangkap:

P70 na tofu o tokwa, dalawang piraso

P10 bawang

Php10 sibuyas

P10 mantika

P20 celery

P10 oyster sauce sachet

Paraan ng pagluluto:

Hiwain ang tokwa sa kwadrado piraso at i-prito sa mantika. Kapag luto na ay itabi na muna ito. Saka igisa ang bawang at sibuyas.

Ilagay ang oyster sauce at isang tasang tubig, Timplahan gamit ang asin, asukal at paminta. Maaring lagyan ng sili kung gustong mo itong gawing maanghang. Sunod na ilagay ang prinitong tofu at hiniwang celery.

BASAHIN:

1 Month Meal Plan Recipe Ideas: Maghanda ng healthy food para sa iyong pamilya

Lampayatot si bunso? 31 na pagkain na makakatulong para tumaba at gumanda ang katawan ng bata

Benepisyo ng Kalabasa: Pampalinaw ng mata at marami pang iba

Chicken sopas P200.00 View this post on Instagram

A post shared by Myla Arroyo (@mommy_myles) on Apr 23, 2020 at 1:47pm PDT

Isa ito sa paboritong ihain sa mga bata lalo na kapag malamig ang panahon. Sa mga gulay at karne ng manok, siguradong punung-puno ng sustansya ang pagkaing ito. Bukod dito, ang paghigop ng mainit na sabaw ay nakakatulong rin para gumanda ang pakiramdam ng isang tao kapag mayroon siyang sakit.

Mga sangkap:

P50 elbow macaroni

P80, karne ng manok, pakuluan at himayin

P10 ginayat na gulay pang-sopas o pansit

P10 knorr cubes, chicken

P30 gatas na evap

P10 sibuyas

P10 bawang

Paraan ng pagluluto:

Igisa ang sibuyas at bawang. Sunod na ilagay ang hinimay na karne ng manok. Igisa ng kaunti saka lagyan ng tubig na nakadepende sa dami ng sabaw na gusto mo. Ilagay ang knorr cubes. Kapag kumulo na ay saka ilagay ang macaroni noodles. Palambutin saka ilagay ang gatas at gulay. Timplahan ng paminta at asin.

Ginisang sayote na may giniling na karne ng baboy P140.00 View this post on Instagram

A post shared by Cat🐱 (@cat.cooks_) on Jan 28, 2020 at 1:25am PST

Isa ang sayote sa mga gulay na masarap at masustansya. Mayaman ito sa vitamin C at folate na napaka-importante sa mga buntis.

Mga sangkap:

P80 giniling na baboy

P30 sayote

P10 kamatis

P20 bawang at sibuyas

Paraan ng pagluluto:

Igisa ang bawang, sibuyas at kamatis. Saka sunod na ilagay ang giniling at gisahin. Kapag luto na ang giniling, ilagay ang hiniwang maliliit na piraso ng sayote. Lagyan ng isang tasa ng tubig at hayaang kumulo hanggang sa maluto ang sayote. Timplahan ng paminta at asin.

Tortang talong P104.00

Gusto mo ba ng ulam na masarap, mura at madaling lutuin? Subukan ang recipe na ito ng tortang talong. Napakasarap nitong ipares sa mainit na mainit na kanin, ketchup at malamig na tubig. Pwede ito pang-almusal, tanghalian at hapunan.

Image from Maggi PH

Mga sangkap:

P40 talong

P24 tatlong pirasong itlog

P20 mantika

P10 butil ng bawang

P10 piraso ng sibuyas

Paraan ng pagluluto:

Ihawin ang talong saka balatan. Paghalu-haluin sa isang bowl ang bawang, sibuyas at binating itlog. Timplahan ito ng asin at paminta. Magpainit ng mantika sa kawali. Ilublob ang binalatan at luto ng talong sa itlog mixture na ginawa. Saka ito ilagay sa mainit mantika upang prituhin.

Sarciadong isda P156.00

Kahit nagtitipid, importante pa ring bigyan ng mga masusustansiyang pagkain ang buong pamilya. Ang galunggong ay mayaman sa Omega-3 fatty acids na nakakatulong sa brain development ng mga bata.

View this post on Instagram

A post shared by michelle ishi dela cruz (@mizzieru008) on Jun 27, 2019 at 3:13am PDT

Mga sangkap:

P100 galunggong

P10 mantika

Php16 dalawang pirasong itlog

Php10 dahon ng sibuyas

P10 kamatis

Php10 bawang at sibuyas

Paraan ng pagluluto:

Iprito muna ang galunggong. Saka igisa ang bawang, sibuyas at kamatis. Siguradong maluluto ng maayos ang kamatis at mahiwalay na ang balat sa laman nito.

Saka ilagay ang piniritong isda. Lagyan ng kaunting tubig. Timplahan ng asin at paminta. Sunod na ilagay ang binating itlog. Kapag luto na ang itlog ay saka idagdag ang hiniwang maliliit na piraso ng dahon ng sibuyas.

Tuna nuggets P110.00

Image from Filipino Style Recipe

Sa halip na bumili ng mga mahal at pre-packaged chicken nuggets sa supermarket, subukan na lang ang recipe na ito ng tuna nuggets. Gaya ng galunggong, ang tuna ay mayaman rin sa Omega-3 fatty acids na nakakabuti rin sa ating puso.

Mga sangkap:

P50 tuna flakes in oil

P10 harina

P8 isang piraso ng itlog

P12 sky flakes

Php10 mantika

P20 mayonnaise

Paraan ng pagluluto:

Durugin ang skyflakes. Saka ito ihalo sa harina, tuna, at itlog. Timpahan ito ng asin at paminta para magkalasa. I-prito sa mantika. Maaring gamiting sawsawan ang mayonnaise o kaya naman ay tuyo at suka.

Vegetable okoy P101.00

Larawan mula sa Kawaling Pinoy Recipe

Gusto mo bang turuang kumain ng gulay ang iyong mga anak? Subukang ihain ang putaheng ito sa kanila. Siksik sa bitamina dahil sa carrots, kamote at malunggay kaya siguradong maganda ito para sa mga bata. Maari itong isawsaw sa ketchup o mayonnaise para mas malasa at magustuhan ng mga bata.

Mga sangkap:

P20 carrot, hiniwa nang maninipis

P15 dalawang pirasong kamote, hiniwa nang maninipis

Php10 malunggay

P10 sibuyas, tinadtad

Php10 mantika

P16 2 pirasong itlog, binate

P20 harina

Tubig

Asin

Paminta

Paraan ng pagluluto:

Paghaluin ang tubig, itlog, harina, asin at paminta. Sunod na ilagay ang mga hiniwang gulay at haluing maigi. Siguruhin na nababalot ng mixture ang mga gulay. Prituhin at alisin ang sobrang mantika.